》之前聽到MISS講既一個故仔，本身係英文，不過用中文打算！

一個人既墓碑上面寫住！

細個既時間曾經想去過變成個世界！

到大個小小，改變世界實在太難，不如改變國家！

到左咁上下，佢又覺得自己未必改變到國家，不如改變自己既家庭！

雖然家庭已經係最親既人，但都未必改變到全家人既觀念！

所以有一日！

佢發覺改變自己，就可以令到成個家庭既人改變！

一個家庭改變左，就可以一傳十，十傳百去改變一個國家！

一個國家改變左成個世界亦都會唔同左，改變左！

所以如其埋怨世界唔係圍住你轉，無為你改變！

不如調轉角度去諗，改變自己去迎合世界，咁樣會開心好多！

但我發覺，改變自己根本就唔好，因為辛苦既就只有自己！

試諗下，要自己由唔中意一樣野變到好中意！

由一個唔係習慣既動作變為每日都要做既野，係幾咁辛苦！

所以，一定唔好為人去改變自己！

但無可奈何，我就係一個咁既人！

好矛盾！

其實我都唔知打緊乜，但個腦不停係咁諗野諗野同諗野！

我真係好累，點解要咁!?

》今日下就去左跳舞！終於練晒成隻舞，但要再跳熟D！

跳完就返屋企換衫，同媽媽去CWB行街！

估唔到媽媽真係買左個對鞋比我，勁開心！多謝媽媽！

之後周圍行，食完野再行下MUJI！

行完媽媽就返屋企，我就出旺角飲野！

過程唔重要，最重要係飲左勁多野都係40蚊一個！

原因係個到D人計少左1Set啤酒！超抵飲！

飲完成班去左食M記，食完M記一路行去搭車一路傾計！

我同Tiff係笑到癲左，真係好好笑！

個人其實都WingWing地，之後即刻搭車返屋企！

新鞋！Adidas x Ransom！勁靚！

》英文堂都係慢慢咁過左！四點半就已經同Carman、Osman走左！

出左旺角買Spray同睇下隻手鐲整返好未！

之後就返屋企換衫出去tst搵魚魚！

七點半先出到去！之後就去左食米線！

一見返真係勁多野傾，一路食勁大碗既米線，一路傾！

傾完行去海港城行街！途中見到勁爆靚仔既文彼得！

去到海港城又撞到Speed，吹左勁耐水先走！

之後行返去利時途中，驚見蔣雅文！

點解我覺得係佢，因為一來像真度九成！

二來迎面既途人個個都望住佢！

三來好鬼型既女仔加上紅色頭髮！

好開心見到佢真人，真係好型，又好靚女！

之後陪阿魚係利時買左對boot！買完就去左海旁坐係到傾計！

傾左成個鐘，咩都傾晒咁濟！我真係好想好想好想．．．

十二點幾就搭巴士返屋企！

》今日開始，我好鬼中意我班同學！

連續兩日放學之後返工，真係好累，好眼訓！

都唔明之前點解可以連返25日Full-time更！

咁又係，個時有目標，儲錢！

而家目標只係夠洗就得！

11月21日

》下就一起身就搵人食飯！終於搵到菌同Anton食飯！勁耐無見！

之後仲約左鬼仔一齊出CWB搵Kelly！

七點半去到tst搵菌同Anton食outback！之後鬼仔 join埋我地！

食到十點我地就行去搭車，我同Alex就出CWB搵Kelly！

鬼仔一出到去就搵左阿媽先，我自己去WTC搵Kelly同佢個外國fd Alex！

原來Alex好好笑！Kelly用英文係咁問我個頭做咩咁黑！

Alex話我係亞洲人，頭髮唔係黑色應該咩色！估唔到外國人都會串人串到咁應！

我係條街到大笑！一路同佢兩個行，一路就係咁笑！

之後等埋鬼仔，傾左陣我就上左去Banker飲野！B同Jordi生日Party！

一去到個場好空，但好在D人都慢慢黎晒！

如果一開波唔玩Actionary，我琴晚應該唔會咁癲！

竟然玩我強項，我就係咁估中，對面係咁要飲，真係好好笑！

雖然好多人都唔識，但因為我玩得太投入，粗口橫飛，全部都比我屌過咁！哈哈！

玩玩下就切蛋糕，飲香檳！D香檳一飲落去就想嘔-_-！

之後陳浩森同matching唔比我飲！驚我醉！但我自己都拎黎飲！哈哈！

去到中段我已經有意識咁醉既，個個都話我醉！

但我成日就醒一醒個人，之後答佢地話無醉，佢地就係咁笑我！

Hyper Hyper Hyper！我真係癲左咁周圍搵人影相！

影到咁上下又攬住小雲orMatching！因為個頭真係好重！

去到四點終於頂唔住要訓下！不過bot、B、Matching佢地仲快醉！哈哈！

訓到咁上下個人好D，就坐左係到Recover！

去到七點先叫得醒晒所有人，終於可以搭的士返屋企！

八點上床訓，十二點半我就醒左！

GOOD！一陣仲要學跳舞同出Show！Really GOOD！

太多相啦真係！大部份都放左係fb！

今晚真係勁癲-_-！

唔係飲左酒我都唔會周圍撩人影相！哈哈！

Anyway so much fun tonite！